SIM Card

​講起去旅行上網 最普遍同主流嘅方法就一定係租Wifi蛋同買張當地嘅旅遊SIM卡啦！
不過如果你係需要去到當地打電話嘅話  SIM卡就應該更加適合你啦！
但當你一搜尋當地旅遊SIM卡嘅時候 SIM卡種類琳琅滿目 同一個地方可以有十幾種唔同嘅種類 有平有貴...面對住咁多選擇 我地又應該點揀呢？
​
​
​其實揀SIM卡同買衫一樣 最緊要係揀張適合自己嘅 始終每個人嘅需要都有唔同㗎嘛。
小編就建議大家可以首先睇吓SIM卡嘅總可用數據係幾多而並非首先睇日數 揀番自己想要嘅用量 因為有啲SIM卡即使可用嘅日子比較長 但數據就只得好少而用完就冇嘅話 要咁長日子其實都冇用。平日如果會用好多數據嘅朋友可以盡量揀啲有無限上網嘅SIM卡 咁就唔怕用過咗data上唔到網啦！
其次就係睇有冇限速，如果有無限數據嘅SIM卡揀當然好啦 但要留意嘅係過左某個用量後會否有限速 因為限咗速之後無論接收定上網都會比較慢架！
​

SIM卡比起Wi-Fi蛋嘅流動性都會比較高 因為SIM卡入落電話度就用到 唔使一定要帶住隻Wi-Fi蛋周圍行，就算想同朋友分開行去shopping都冇問題阿！而且有啲SIM卡更已經包含當地的通話分鐘 即使去到一些網絡覆蓋不到的地方 也可以與朋友打電話聯絡 唔怕搵唔到對方！不過都唔係每一款SIM卡都有打電話嘅功能 所以揀嘅時候要睇清楚啊！
另外SIM卡係一次性的 與Wi-Fi蛋相比下覺方便，用完返嚟唔駛還 可以幫你慳返啲時間！
雖然SIM卡睇落好似好方便 但都唔係完全冇缺點架！
當你轉左SIM卡後 原本喺香港使用嘅卡可能會收唔到重要資訊 例如銀行交易的SMS等。除此之外，有部分坊間嘅SIM Card都係要設定APN的 如果Set錯APN SIM卡就不能啟動 到時可能就要花好多時間去搵原因啦。

講咗咁耐SIM卡嘅特點 不如分享下可能有助你嘅資訊啦！
​現今科技發達 坊間大部份SIM卡都不用再Set APN先可以用 基本上一插入電話就可以用，但若果萬一SIM卡咁唔好彩唔識自己detect 要Set APN先用到 咁又點算呢？
​唔洗怕嘅！以下有啲Set APN嘅方法 希望可以幫到大家啦！
​
一般SIM Card APN Setting

​​若果SIM Card不懂自己detect的話 可以到 apnchanger.com 自己設定APN
​
​
​進入網頁後 只需按指示輸入相關資料 輸入後按 "按裝檔案" 或 "Install Profile" 即可​​
​
​
​​